लांजातील बाल जलतरणपटू रेयांश खामकरला राज्यस्तरीय बाल क्रीडारत्न प्रदान!
लांजा : लांजा तालुक्यातील आरगाव येथील बाल जलतरणपटू कुमार रेयांश दीपक खामकर याला कोल्हापूर येथील जनकल्याण सामाजिक सेवा संस्था वतीने राज्यस्तरीय बाल क्रीडा रत्न पुरस्कार देऊन गौरविण्यात आले आहे.
नुकताच एका कार्यक्रमात रेयांशला पुरस्कार प्रदान करण्यात आला रेयांशने जलतरण क्रीडा प्रकारात लहान वयात नेत्रदीपक यश संपादन केले आहे. त्याची इंडिया बुक ऑफ रेकॉर्ड ने नोंद घेतली आहे. नुकतेच विधान भवनात गुरुवार दि.१० जुलै २०२५ रोजी महाराष्ट्र राज्याचे मुख्यमंत्री देवेंद्र फडणवीस यांनी विधान भवनात इंडिया बुक ऑफ रेकॉर्डने नोंद घेतलेला विक्रमवीर बाल जलतरणपटू रेयांश दीपक खामकर ( राजापूर – लांजा तालुक्यातील ज्येष्ठ सामाजिक कार्यकर्ते आरगाव निवासी श्री.चंद्रकांतदादा श्रीधर खामकर यांचा नातू) याचा सत्कार करून सन्मानित केले.
या प्रसंगी उपमुख्यमंत्री, आमदार, सभापती, तसेच ठाणे जिल्हा हौशी जलतरण संघटनेचे अध्यक्ष आमदार श्री. निरंजन डावखरे, प्रशिक्षक श्री.कैलास आखाडे इत्यादी मान्यवर उपस्थित होते.
