उरणमध्ये ‘रत्नागिरी ८’ भात वाणाची चारसूत्री पद्धतीने लागवड

• शेतकऱ्यांना आधुनिक तंत्राचे मार्गदर्शन

उरण (विठ्ठल ममताबादे ):  उरण तालुक्यातील आवरे गावातील शेतकरी काळुराम पोशीराम गावंड यांच्या शेतात ‘रत्नागिरी ८’ या भात वाणाची ४ सूत्री पद्धतीने यशस्वीरित्या लागवड करण्यात आली. तालुका कृषी अधिकारी श्रीमती अर्चना सूळ नारनवर यांच्या मार्गदर्शनाखाली हा प्रायोगिक उपक्रम राबवण्यात आला.
या प्रात्यक्षिकादरम्यान, उपस्थित असलेल्या शेतकऱ्यांना ४ सूत्री भात लागवड पद्धतीबद्दल सविस्तर माहिती देण्यात आली. तसेच या आधुनिक लागवड पद्धतीमुळे होणारे विविध फायदे समजावून सांगण्यात आले.

चार सूत्री भात लागवड पद्धतीचे फायदे

• उत्पादन वाढ : या पद्धतीमुळे भाताचे उत्पादन वाढण्यास मदत होते.
• पाण्याचा कार्यक्षम वापर :  पाण्याची बचत होते आणि पाण्याचा अधिक प्रभावीपणे वापर होतो.
• खतांचा योग्य वापर : खतांचा योग्य वापर होऊन त्यांची कार्यक्षमता वाढते.
• रोग आणि कीड नियंत्रण: पिकांवरील रोग आणि किडींचा प्रादुर्भाव कमी होण्यास मदत होते.
• श्रम आणि वेळेची बचत : पारंपरिक पद्धतीपेक्षा कमी वेळात आणि कमी श्रमात लागवड करता येते.