पनवेल ते खेड अनारक्षित गाडी आज आणि उद्या सकाळी ११ वाजता सुटणार!

रत्नागिरी : गणपती विसर्जनानंतर मोठ्या संख्येने मुंबईकडे परतणाऱ्या चाकरमान्यांची होणारी गर्दी लक्षात घेत कोकण रेल्वे प्रशासनाने खेडमधून सहा विशेष गाड्यांची घोषणा केली आहे. दि. 13,14,15 सप्टेंबरला सलग तीन दिवस या विशेष गाड्यांचे नियोजन खेड स्थानकातून करण्यात आले आहे. खेडला आलेल्या या गाड्या गणेशोत्सवाला आलेल्या चाकरमान्यांना पुन्हा मुंबईला घेऊन जाणार आहेत.

या गाड्या पनवेलपर्यंत धावतील. सकाळीं सहा आणि दुपारी सव्वा तीन वाजता खेड स्थानकातून या अनारक्षित गाड्या रवाना होतील. या गाड्यांना वीस डबे असतील. या गाड्यांना खेड ते रोह्यार्यंत सर्व स्थानकाला थांबे असतील. पुढे या गाड्या रोहा आणि पनवेल ला थांबतील. दि. 15 सप्टेंबर रोजी दुपारी सव्वा तीन वाजता सुटणारी ट्रेन मात्र सीएसटी एम पर्यंत धावेल. या गाडीला पनवेल, दादर आणि ठाणे स्थानकातही थांबा असेल. या गाड्यांच्या घोषणेमुळे कोकण रेल्वेच्या खेड स्थानकात होणारी गर्दी कमी करण्यात यश येणार आहे.

सविस्तर वाचा या लिंकवर | Good news!! Ganpati special trains from Khed railway station