रत्नागिरीत साळवी स्टॉप येथे इमारतीच्या पार्किंगमध्ये दुचाकी गाड्या जळून खाक; इतर गाड्यांनाही बसली झळ!

0 0 1 minute read

रत्नागिरी: रत्नागिरी शहरातील साळवी स्टॉप परिसरात आज आगीची एक थरारक घटना घडली. येथील ड्रोपोडील (Droprodeal) बिल्डिंगच्या पार्किंगमध्ये उभ्या असलेल्या एका इलेक्ट्रिक दुचाकीला (Electric Scooter) अचानक आग लागली. या आगीने भीषण रूप धारण केल्यामुळे शेजारील गाड्यांनीही पेट घेतला, ज्यात दोन दुचाकी पूर्णपणे जळून खाक झाल्या आहेत.

नेमकी घटना काय?

मिळालेल्या माहितीनुसार, नाचणे रोडवरील साळवी स्टॉप येथील ड्रोपोडील बिल्डिंगच्या पार्किंगमध्ये नागरिक नेहमीप्रमाणे आपल्या गाड्या उभ्या करून गेले होते. दुपारी अचानक एका इलेक्ट्रिक दुचाकीतून धूर निघू लागला आणि काही क्षणातच त्या गाडीने पेट घेतला. ही आग इतकी वेगाने पसरली की शेजारी पार्क केलेल्या दुसऱ्या दुचाकीलाही तिने कवेत घेतले.

अग्निशमन दलामुळे मोठा अनर्थ टळला

आगीचे रौद्ररूप पाहून परिसरात एकच घबराट पसरली. स्थानिक नागरिकांनी तातडीने रत्नागिरी नगरपरिषद अग्निशमन दलाला पाचारण केले. अग्निशमन दलाच्या जवानांनी घटनास्थळी धाव घेत पाण्याचा मारा केला आणि आग आटोक्यात आणली. जवानांच्या तत्परतेमुळे तिसऱ्या दुचाकीला लागलेली आग वेळीच विझवण्यात यश आले, अन्यथा मोठा अनर्थ घडला असता. तरीही, तिसऱ्या गाडीचे काही प्रमाणात नुकसान झाले आहे.

परिसरात भीतीचे वातावरण

इलेक्ट्रिक दुचाकीला आग लागल्याची ही पहिलीच घटना नसल्याने नागरिकांमध्ये चिंतेचे वातावरण आहे. आगीच्या या घटनेत सुदैवाने कोणतीही जीवितहानी झालेली नाही, मात्र दोन्ही दुचाकींचे मोठ्या प्रमाणावर आर्थिक नुकसान झाले आहे. शॉर्ट सर्किटमुळे की बॅटरीमधील बिघाडामुळे ही आग लागली, याचा तपास पोलीस आणि संबंधित विभाग करत आहेत.

ठळक मुद्दे: