Konkan Railway | रत्नागिरी- पनवेल मार्गावरही उद्यापासून तीन दिवस अनारक्षित  मेमू लोकल धावणार!

• मडगाव-पनवेल दरम्यान धावणार विशेष गाड्या
• भोके, उक्षी, कडवई, कामथे स्थानकावरही थांबणार मेमू ट्रेन

​रत्नागिरी: होळीच्या सणानिमित्त होणारी प्रवाशांची अतिरिक्त गर्दी लक्षात घेता, कोकण रेल्वे प्रशासनाने मडगाव ते पनवेल आणि रत्नागिरी ते पनवेल दरम्यान विशेष गाड्या चालवण्याचा निर्णय घेतला आहे. यामुळे कोकणात जाणाऱ्या चाकरमान्यांना मोठा दिलासा मिळाला आहे.

​या विशेष गाड्यांचे सविस्तर वेळापत्रक खालीलप्रमाणे आहे:

​१. मडगाव जंक्शन – पनवेल – मडगाव जंक्शन साप्ताहिक स्पेशल (०११०६/०११०५)

• ​गाडी क्र. ०११०६: मडगाव जंक्शन ते पनवेल स्पेशल २७ फेब्रुवारी २०२६ (शुक्रवार) रोजी मडगाव येथून सकाळी ०७:३० वाजता सुटेल आणि त्याच दिवशी संध्याकाळी १८:५० वाजता पनवेलला पोहोचेल.
• ​गाडी क्र. ०११०५: पनवेल ते मडगाव जंक्शन स्पेशल २७ फेब्रुवारी २०२६ (शुक्रवार) रोजी पनवेल येथून संध्याकाळी १९:५० वाजता सुटेल आणि दुसऱ्या दिवशी सकाळी ०८:०० वाजता मडगावला पोहोचेल.
• ​थांबे: करमळी, थिविम, सावंतवाडी रोड, कुडाळ, सिंधुदुर्ग, कणकवली, वैभववाडी रोड, राजापूर रोड, विलवडे, आडवली, रत्नागिरी, संगमेश्वर रोड, चिपळूण, खेड, माणगाव, रोहा आणि पेण.
• ​डब्यांची रचना: एकूण २० डबे (१८ स्लीपर क्लास आणि २ एसएलआर).

​२. रत्नागिरी – पनवेल – रत्नागिरी अनरिझर्व्ह मेमू स्पेशल (०११५८/०११५७)

• ​गाडी क्र. ०११५८: रत्नागिरी ते पनवेल मेमू स्पेशल २७ फेब्रुवारी, २८ फेब्रुवारी आणि १ मार्च २०२६ रोजी रत्नागिरी येथून सकाळी ०९:०० वाजता सुटेल आणि त्याच दिवशी दुपारी १६:१० वाजता पनवेलला पोहोचेल.
• ​गाडी क्र. ०११५७: पनवेल ते रत्नागिरी मेमू स्पेशल २७ फेब्रुवारी, २८ फेब्रुवारी आणि १ मार्च २०२६ रोजी पनवेल येथून दुपारी १६:४० वाजता सुटेल आणि त्याच दिवशी रात्री २३:५५ वाजता रत्नागिरीला पोहोचेल.
• प्रमुख थांबे: भोके, उक्षी, संगमेश्वर रोड, कडवई, आरवली रोड, सावर्डा, कामथे, चिपळूण, अंजनी, खेड, कळंबणी बुद्रुक, दिवाणखवटी, विन्हेरे, करंजाडी, सापे वामणे, वीर, गोरेगाव रोड, माणगाव, इंदापूर, कोलाड, रोहा, नागोठणे, कासू, पेण, जिते, आपटा आणि सोमाटणे.
• ​डब्यांची रचना: ही गाडी ८ मेमू डब्यांची असेल.

प्रवाशांनी या विशेष रेल्वे सेवांचा लाभ घ्यावा, असे आवाहन कोकण रेल्वेच्या वतीने मुख्य जनसंपर्क अधिकारी सुनील बी. नारकर यांनी केले आहे. रेल्वेच्या ताज्या अपडेट्ससाठी प्रवाशांनी ‘KR Mirror’ ॲपचा वापर करावा, असे आवाहन करण्यात आले आहे.