महाराष्ट्रराजकीयराष्ट्रीय

उरणमध्ये शिवसेनेच्या नव्या नेतृत्वाखाली पहिली बैठक

उरण दि १७ (विठ्ठल ममताबादे ) : उरणमध्ये नवनिर्वाचित जिल्हा प्रमुख आणि तालुकाप्रमुख यांच्या नेतृत्वाखाली शिवसेनेची बैठक यशस्वीरीत्या पार पडली. या बैठकीत पक्षबांधणी, संघटनात्मक बळकटी आणि भविष्यातील कार्यपद्धती यावर सखोल चर्चा झाली.बैठकीच्या सुरुवातीला संत तुकाराम महाराज यांना अभिवादन करण्यात आले. त्याचबरोबर, मा. मुख्यमंत्री एकनाथ शिंदे यांना जाहीर झालेल्या प्रतिष्ठित पुरस्काराबद्दल अभिनंदनाचा ठराव मांडून टाळ्यांच्या गजरात शुभेच्छा देण्यात आल्या.
या प्रसंगी नवनिर्वाचित जिल्हा प्रमुख अतुल भगत, नवनिर्वाचित तालुका प्रमुख दिपक ठाकूर तसेच उरण विधानसभा संपर्क प्रमुख रमेश म्हात्रे,उरण तालुका संघटक चंद्रकांत पाटील,विधानसभा सहसंघटक निखिल पाटील, विधानसभा सह संपर्कप्रमुख प्रितम पाटील,उपतालुका प्रमुख अमित ठाकूर,पनवेल ग्रामीण तालुका प्रमुख बाळा नाईक, चाणजे विभाग प्रमुख अक्षय म्हात्रे, नवघर विभाग प्रमुख गणेश घरत, उरण तालुका महिला आघाडी उपाध्यक्ष तृप्ती घरत,रवींद्र म्हात्रे,सुनील भोईर, दिपक माळी,संजय घरत,महेंद्र घरत,भावेश भोईर,संजीव कुमार,संदीप ठाकूर,हर्षल ठाकूर तसेच अनेक शिवसैनिक पदाधिकाऱ्यांची प्रमुख उपस्थिती होती.
बैठकीत उरण मधील शिवसेना आणखी मजबूत करण्यासाठी महत्त्वाचे निर्णय घेण्यात आले. उपस्थित सर्व पदाधिकाऱ्यांनी एकत्र येऊन पक्षासाठी समर्पितपणे कार्य करण्याचा निर्धार व्यक्त केला.शिवसेना बळकट करण्यासाठी नव्या जिल्हा आणि तालुका प्रमुखांच्या मार्गदर्शनाखाली लवकरच विविध उपक्रम हाती घेण्यात येणार आहेत.

Team RatnagiriLive

कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म

Related Articles

Leave a Reply

Your email address will not be published. Required fields are marked *

Back to top button