उरण दि ३ (विठ्ठल ममताबादे ) : उरण तालुक्यातील जासई ग्रामपंचायतीची ग्रामसभा सरपंच संतोष रामचंद्र घरत यांच्या अक्ष्यक्षतेखाली संपन्न झाली. या ग्रामसभेमध्ये ग्रामस्थ मोठ्या संख्येने उपस्थित होते बहूसंख्य मतदार बंधू भगिंनी उपस्थित होत्या. ग्रामसभेमध्ये सर्व विषयांवर धोरणात्मक निर्णय घेवून विशेषता १५ वा वित्ता आयोग GPDP आराखडा २०२५/२०२६ शासन मार्गदर्शक सुचनेनुसार प्रारूप आराखडा तयार करणे, स्वच्छ भारत अभियाण ग्रामिण, माझी वसुंधरा ०.५, मागासवर्गीयांच्या उन्नती बाबतचे विषय, व इतर विषयांवर नियोजनात्मक निर्णय घेण्यात आला.
ग्रामपंचायत हद्दीतील विधवा, निराधार, गरीब गरजू महिलांना ग्राम पंचायतीच्या फंडातून रक्कम रुपये ५०००/- अर्थिक मदतीचा लाभ हि योजना अटी शर्तींना अधीन राहून मंजूर करण्यात आली. स्वच्छ भारत अभियाण कचरा संकलन कामी सर्व उपस्थित महिलांना ग्रामपंचायती मार्फत डजबीन वाटप करण्यात आले. ग्राम सभेचे कामकाज सुरू करण्यापूर्वी सभागृहात भारताचे संविधान उद्देशिका शपथ घेण्यात आली.
या सभेला सरपंच, उपसरपंच, ग्राम पंचायत अधिकारी व सर्व सदस्य, जेष्ठ नागरीक व बहूसंख्येने महिला उपस्थित होत्या.
