रत्नागिरीत सागरी मत्स्यव्यवसाय, नौकानयन प्रशिक्षण १ जुलैपासून
रत्नागिरी : जिल्ह्यातील मच्छीमार युवकांसाठी सहा महिने मुदतीचा सागरी मत्स्यव्यवसाय, नौकानयन व सागरी इंजिन देखभाल व परिचालन प्रशिक्षण कार्यक्रम १ जुलैपासून सुरू होत आहे. याचा लाभ घेण्यासाठी युवकांनी 28 जूनपर्यंत मत्स्यव्यवसाय प्रशिक्षण केंद्र, पेठकिल्ला, ता. जि. रत्नागिरी येथे अर्ज करावेत, असे आवाहन मत्स्यव्यव्यवसाय प्रशिक्षण अधिकारी जी. द. सावंत यांनी केले आहे.
प्रशिक्षण कालावधी 1 जुलै ते 31 डिसेंबर 2024 (6 महिने) असणार आहे. यासाठी आवश्यक पात्रता पुढीलप्रमाणे आहे.
या प्रशिक्षणासाठी उमेदवाराचे वय 18 ते 35 वर्ष असावे. (आधार कार्ड व रेशन कार्ड छायाप्रत जोडणे). उमेदवार किमान चौथी पास असणे आवश्यक. (शाळा सोडल्याच्या दाखल्याची छायाप्रत जोडणे). क्रियाशील मच्छिमार व किमान एक वर्ष मासेमारीचा अनुभव असावा. यासाठी (विहीत नमुन्यातील अर्जावर मच्छिमार सहकारी संस्थेची शिफारस घ्यावयाची आहे.
प्रशिक्षण शुल्क प्रतिमाह रु.450/- प्रमाणे सहा महिन्यांचे रु. 2700/- मात्र तर दारिद्र रेषेखालील असल्यास प्रतिमाह रु. 100/- प्रमाणे सहा महिन्यांचे रु.600/- मात्र असेल.(दारिद्र रेषेयाालील असल्यास ग्रामसेवक/गटविकास अधिकारी पं. स. सांचा दाखला जोडावा)
राष्ट्रीय सहकार विकास निगम अंतर्गत योजनेतून अर्थसहाय्य घेऊन मच्छीमारी नौका बांधता येतील. सागरी नौकांवर पात्रतेनुसार खलाशी म्हणून रोजगाराच्या संधी उपलब्ध होवू शकते. अधिक माहितीसाठी जी. द. सावंत, मत्स्यव्यवसाय प्रशिक्षण अधिकारी,पेठकिल्ला, रत्नागिरी, ता. व जिल्हा- रत्नागिरी, पिन – 415612. मोबाईल व ुहरीींरिि क्रमांक 9422371901 येथे संपर्क साधावा, असे आवाहन करण्यात आले आहे.
