पोस्टाद्वारे पाठवा दिवाळी फराळ थेट परदेशात !

रत्नागिरी :  जिल्ह्यातील अनेक नागरिक कामानिमित्त बाहेरगावी किंवा परदेशात जातात. अशा नागरिकांना दिवाळीत आपल्या घरचा फराळ मिळावा, यासाठी पोस्ट ऑफिसमार्फत परदेशात फराळ पाठवला जात आहे. आपल्या घरातील व्यक्तींना व नातेवाईकांना दिवाळीचा फराळ परदेशात मिळावा याकरिता पार्सल पाठविण्यासाठी सर्व पोस्ट ऑफिसमध्ये ग्राहकांची गर्दी होत आहे. रत्नागिरी डाक
विभागामार्फत रत्नागिरी प्रधान डाकघर व चिपळूण प्रधान डाकघर येथे पॅकिंगची देखील सुविधा करण्यात
आली आहे.

फराळ परदेशात पाठवण्यासाठी पार्सलचे दर १० किलोला देशनिहाय पुढीलप्रमाणे आहेत. ऑस्ट्रेलिया ११ हजार ९१२ रुपये, कॅनडा ९ हजार ६७६ रुपये, अमेरिका ९ हजार ५१ रुपये, यु.ए.ई. ३ हजार ४९३ रुपये, रशिया ६ हजार ७५० रुपये, यु.के. ६ हजार ४६१ रुपये, जपान ४ हजार ७९७ रुपये. पोस्ट ऑफिसच्या सेवेचा जिल्हयातील नागरिकांनी जास्तीत जास्त लाभ घ्यावा, असे आवाहन एन.टी. कुरळपकर अधीक्षक डाकघर रत्नागिरी यांनी केले आहे.