रेल्वे प्रवाशांसाठी खुशखबर!

‘RailOne’ ॲप झाले लाँच, आता सर्व सेवा एकाच ठिकाणी📱🚆

नवी दिल्ली : भारतीय रेल्वेने प्रवाशांसाठी एक क्रांतिकारक पाऊल उचलले आहे. रेल्वेमंत्री अश्विनी वैष्णव यांच्या हस्ते इंडिया हॅबिटॅट सेंटर, नवी दिल्ली येथे सेंटर फॉर रेल्वे इन्फॉर्मेशन सिस्टीम्स (CRIS) च्या ४० व्या स्थापना दिनानिमित्त ‘RailOne’ नावाचे एक नवीन ॲप (App) लाँच करण्यात आले आहे. हे ॲप प्रवाशांसाठी ‘वन-स्टॉप सोल्यूशन’ (One-Stop Solution) असून, यापुढे रेल्वे संबंधित सर्व सेवा एकाच ठिकाणी उपलब्ध होणार आहेत.

‘RailOne’ ॲपची प्रमुख वैशिष्ट्ये

• सोपे आणि सर्वसमावेशक इंटरफेस: ‘RailOne’ हे अत्यंत सोप्या आणि वापरकर्त्यासाठी अनुकूल (User-Friendly Interface) डिझाइनसह तयार करण्यात आले आहे.
• अनारक्षित आणि प्लॅटफॉर्म तिकिटांवर सवलत: या ॲपद्वारे अनारक्षित (Unreserved) आणि प्लॅटफॉर्म तिकिटे (Platform Tickets) बुक केल्यास ३% सवलत मिळणार आहे.
• थेट ट्रेन ट्रॅकिंग: प्रवाशांना आता आपल्या ट्रेनचे थेट स्थान (Live Train Tracking) आणि वेळेची माहिती सहज पाहता येणार आहे.
• तक्रार निवारण: प्रवाशांना कोणत्याही प्रकारच्या तक्रारी (Grievance Redressal) थेट ॲपमधून नोंदवता येतील.
• ई-केटरिंग आणि इतर सुविधा: प्रवासादरम्यान जेवणाची ऑर्डर देणे (E-catering), कुली बुक करणे (Porter Booking) आणि शेवटच्या टप्प्यातील टॅक्सी बुक करणे (Last-mile Taxi) यांसारख्या सेवा देखील या ॲपवर उपलब्ध असतील.
• सिंगल साईन-ऑन (Single Sign-On): या ॲपमुळे अनेक ॲप्सची गरज संपेल. IRCTC RailConnect आणि UTS यांसारख्या ॲप्सचे लॉगिन क्रेडेन्शियल्स वापरून ‘RailOne’ मध्ये लॉगिन करता येईल. यामुळे प्रवाशांना अनेक पासवर्ड लक्षात ठेवण्याची गरज नाही.
• स्पेस-सेव्हिंग: वेगवेगळ्या सेवांसाठी अनेक ॲप्स डाउनलोड करण्याऐवजी, ‘RailOne’ एकट्याने सर्व सेवा पुरवत असल्याने तुमच्या फोनचा स्टोरेज वाचेल.
  रेल्वेमंत्र्यांनी ‘RailOne’ ॲपच्या अनावरण प्रसंगी सांगितले की, भारतीय रेल्वे प्रवाशांना अत्याधुनिक आणि डिजिटल सेवा पुरवण्यासाठी कटिबंध आहे. हे ॲप प्रवाशांचा अनुभव अधिक सुकर आणि सुखद बनवेल, अशी अपेक्षा आहे. हे ॲप अँड्रॉइड (Android) आणि आयओएस (iOS) दोन्ही प्लॅटफॉर्मवर डाउनलोडसाठी उपलब्ध आहे.