महाराष्ट्रराष्ट्रीयशिक्षण

राष्ट्रीय शिक्षक पुरस्कारासाठी उरणचे सुपुत्र शिक्षक प्रवीण पाटील यांची निवड

उरण दि २ (विठ्ठल ममताबादे ) : शिक्षण क्षेत्रात राष्ट्रीय पातळीवर राष्ट्रीय शिक्षक पुरस्कार दरवर्षी जाहीर केला जातो. २०२५ या वर्षी रायगड जिल्ह्यातून प्रवीण जनार्दन पाटील उपशिक्षक रायगड जिल्हा परिषद प्राथमिक शाळा चांदायलेवाडी तालुका उरण यांची निवड करण्यात आली आहे.

प्रवीण जनार्दन पाटील यांची एकूण सेवा २८ वर्ष झालेली आहे. या सेवेत त्यांनी प्रादेशिक विद्या प्राधिकरण मुंबई, जिल्हा शिक्षण व व्यावसायिक विकास संस्था पनवेल रायगड येथे विषय सहाय्यक म्हणून काम केले आहे. गेली १८ वर्षे आदिवासी वाडीवर शिक्षक म्हणून कार्य केलेले आहे.महाराष्ट्र शासन आयोजित सिंगापूर या आंतरराष्ट्रीय अभ्यास दौऱ्यात प्रवीण पाटील यांनी सहभाग घेतला आहे. देश पातळीवरील गुवाहाटी सिक्कीम या राष्ट्रीय स्तरावरील प्रशिक्षणात सहभाग घेतलेला आहे. बृहन्मुंबई महानगरपालिका तसेच रायगड जिल्ह्यातील शिक्षकांना राज्यात व राज्याबाहेर अभ्यास दौऱ्यासाठी समन्वयक म्हणून शिक्षक प्रवीण पाटील यांनी महत्वाची भूमिका साकारली आहे.

सामाजिक जीवनात अनेक आदिवासी लोकांना विविध प्रकारचे दाखले काढून देण्यात प्रवीण पाटील हे मदत करत आहेत. सामाजिक बांधिलकी जपत अनेक सामाजिक कार्य करण्यात प्रवीण पाटील यांनी अग्रेसर भूमिका घेतली आहे. या व अशा विविध कार्य केलेले असल्याने या कार्यामुळे रायगड जिल्ह्यातून राष्ट्रीय पुरस्कारासाठी त्यांची निवड करण्यात आली आहे.त्यांच्या या निवडीचे सर्वच स्तरातून स्वागत करण्यात येत असून शिक्षक प्रविण पाटील यांच्यावर सर्वच स्तरातून शुभेच्छा व अभिनंदनाचा वर्षाव होत आहे.

Team RatnagiriLive

कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म

Related Articles

Leave a Reply

Your email address will not be published. Required fields are marked *

Back to top button