रनिंग स्पर्धेत देशाचे प्रतिनिधित्व करणाऱ्या लांजाचा सुपुत्र नीलेश कुळये याच्यावर अभिनंदनाचा वर्षाव!
लांजा : दक्षिण कोरिया येथे ऑक्टोबर महिन्यात होणाऱ्या आशियाई आंतरराष्ट्रीय रनिंग स्पर्धेत भारताचे प्रतिनिधित्व करण्यासाठी लांजा तालुक्यातील वेरवली बुद्रुक येथील नीलेश नंदकिशोर कुळ्ये याची निवड झाली आहे. निलेश याच्या निवडीबद्दल लांजा तालुक्यातून अभिंनदन होत आहे.
ही निवड अथलांटिक्स फेडरेशन ऑफ इंडिया यांनी केली आहे. भारताचे प्रतिनिधित्वासाठी नीलेश याची निवड होताच लांजा तालुक्यासह रत्नागिरी जिल्हा क्रीडा क्षेत्राचा आलेख उंचावला आहे. देशाचे प्रतिनिधित्व करण्याची निवड होताच नीलेश कुळ्ये याच्यावर लांजा तालुक्यासह जिल्हाभरातून अभिनंदनाचा वर्षाव होत आहे.
देशासाठी खेळण्यासह प्रतिनिधित्व करण्याची जिद्द उराशी बाळगलेल्या नीलेशचे स्वप्न अखेर साकार होणार आहे. क्रीडा क्षेत्रात सातत्य, मेहनत, मार्गदर्शक आणि जिद्दीच्या बळावर निलेशने क्रीडा जगता मध्ये यशाला गवसणी घातली आहे. नीलेश कुळये श्रीराम विद्यालय वेरवली बुद्रुक या प्रशाळेवर क्रीडा प्रशिक्षक म्हणून कार्यरत आहे.
अथेलेंटिक्स फेडरेशन ऑफ इंडिया च्या अल्ट्रा आणि ट्रायल रनिंग सिलेक्शन कमिटीचे अध्यक्ष नागराज आदीया व सेक्रेटरी रवींद्र चौधरी यांनी निवड केली असून तसे पत्र निलेश कुळये याला प्राप्त झाले आहे. ही दक्षिण कोरिया येथील उलजूगुन उल्लसान या शहरामध्ये 23 ते 27 ऑक्टोबर 2024 या कालावधीत या आंतरराष्ट्रीय रनिंग स्पर्धा संपन्न होणार आहेत.
लांजा तालुक्यातील श्रीराम विद्यालय वेरवली बुद्रुक येथे क्रीडा प्रशिक्षक म्हणून कार्यरत असलेले निलेश कुळये यांची . देशासाठी प्रतिनिधित्व करण्याची निवड होताच निलेश कुळये याच्यावर अभिनंदनाचा वर्षाव होत. आज रत्न सिंधूचे किरण सामंत यांनी लांजा येथे येऊन निलेश कुळ्ये याचा गौरव केला आणि सर्वतोपरी सहकार्य करणार असल्याचं सागितले. राष्ट्रवादी काँग्रेस चे अजित यशवंतराव यांनी ही निलेशला आपले कार्यकर्ते यांच्या हस्ते गौरव केला आणि आर्थिक मदत केली. क्रीडा शिक्षक सुहास चव्हाण, स्वप्नील करंबले, गांगेश्र्वर कला क्रीडा मंडळ तळवडेचे उदय पाटोळे यांनी अभिनंदन केले आहे.
