मंडकी-पालवण, दि. १ ऑगस्ट : कृषिभूषण डॉ. तानाजीराव चोरगे शिक्षण व संशोधन संस्था, संचलित गोविंदरावजी निकम कृषी महाविद्यालय व जिजामाता महिला कृषी महाविद्यालय, मंडकी-पालवण यांच्या संयुक्त विद्यमाने “विद्यार्थिनींसाठी PMOS (एवं PCOS) व महिला शारीरिक-मानसिक आरोग्य जनजागृती सत्र” आयोजित करण्यात आले.
या कार्यक्रमाचा उद्देश विद्यार्थिनींमध्ये महिलांच्या आरोग्याविषयी जागरूकता निर्माण करणे, PCOS/PCOD विषयी योग्य माहिती देणे तसेच शारीरिक व मानसिक आरोग्याचे महत्त्व पटवून देणे हा होता.
कार्यक्रमाची सुरुवात मान्यवरांच्या स्वागताने झाली. यानंतर प्रमुख मार्गदर्शक म्हणून उपस्थित असलेल्या डॉ. अक्षता शेंबेकर यांनी विद्यार्थिनींना PCOS/PCOD या समस्यांविषयी सविस्तर मार्गदर्शन केले. त्यांनी या आजाराची लक्षणे, कारणे, निदान, उपचारपद्धती, योग्य आहार, नियमित व्यायाम, योग, ताणतणाव व्यवस्थापन आणि निरोगी जीवनशैलीचे महत्त्व यावर सखोल माहिती दिली. तसेच महिलांनी आपल्या आरोग्याकडे दुर्लक्ष न करता वेळोवेळी वैद्यकीय सल्ला घ्यावा, असा महत्त्वपूर्ण संदेश दिला. मानसिक आरोग्यही तितकेच महत्त्वाचे असून सकारात्मक विचार, पुरेशी झोप आणि संतुलित जीवनशैली यामुळे अनेक आरोग्य समस्यांवर मात करता येते, असे त्यांनी सांगितले.
या मार्गदर्शन सत्रामध्ये विद्यार्थिनींनी उत्स्फूर्त सहभाग घेत विविध शंकांचे निरसन करून घेतले. उपस्थित विद्यार्थिनींनी या सत्रातून महिलांच्या आरोग्याविषयी महत्त्वपूर्ण माहिती मिळाल्याची भावना व्यक्त केली. या कार्यक्रमात संस्थेच्या संचालिका अंजलीताई चोरगे, महाविद्यालयाचे प्राचार्य डॉ. संकेत कदम, प्राध्यापक आणि विद्यार्थीनी मोठ्या संख्येने उपस्थित होते.कार्यक्रमाच्या शेवटी प्रा. सिद्धी फरांदे यांनी उपस्थित मान्यवर, प्रमुख वक्त्या, प्राध्यापकवर्ग आणि विद्यार्थिनींचे आभार मानले. त्यांच्या आभार प्रदर्शनानंतर कार्यक्रमाची सांगता उत्साहपूर्ण वातावरणात झाली.
