ब्रेकिंग न्यूजमहाराष्ट्ररत्नागिरी अपडेट्सलोकल न्यूजशिक्षणस्पोर्ट्स

सिंधुदुर्गचा सुपुत्र विराज मर्गजची ५२व्या कुमार गट राज्य अजिंक्यपद निवड चाचणी स्पर्धेत मुंबई उपनगर (पूर्व) संघात निवड

  • पांग्रड ते मुंबई उपनगर… कबड्डीच्या मैदानात  विराजची गरुडझेप!

मुंबई: मेहनत, जिद्द आणि जिंकण्याची प्रबळ इच्छाशक्ती यांच्या जोरावर सिंधुदुर्ग जिल्ह्यातील कुडाळ तालुक्याच्या पांग्रड गावातील सुपुत्र,l विराज प्रल्हाद मर्गज याने कबड्डीच्या मैदानात आपला दमदार ठसा उमटवला आहे. त्याच्या या सातत्यपूर्ण कामगिरीची दखल घेत ५२ व्या कुमार गट राज्य अजिंक्यपद निवड चाचणी स्पर्धेसाठी मुंबई उपनगर (पूर्व) कबड्डी संघात त्याची मानाची निवड झाली आहे. विराजच्या या यशाने केवळ पांग्रड गावच नव्हे, तर संपूर्ण सिंधुदुर्ग जिल्ह्याचा मान अभिमानाने वाढवला आहे.

कष्टाला मिळाली शिस्तबद्ध सरावाची जोड

​उच्च शिक्षणासाठी मुंबई नगरीत आलेल्या विराजने आपल्या स्वप्नांना कधीही दुरावू दिले नाही. स्वप्न साकार करण्यासाठी त्याने कठोर परिश्रम घेतले. शिस्तबद्ध सराव, कष्ट आणि श्री स्वयंभू महादेवाची अखंड कृपा या त्रिसूत्रीच्या जोरावर तो दिवसेंदिवस स्वतःला अधिक सक्षम बनवत राहिला.

​विराजला उत्कर्ष क्रीडा मंडळ, भांडुप येथे उत्कृष्ट प्रशिक्षण मिळाले. येथील प्रशिक्षकांच्या मोलाचे मार्गदर्शन आणि अखंड पाठिंब्यामुळे त्याला आपल्या खेळात सातत्य राखणे शक्य झाले.

मुंबई उपनगर संघात निवड – यशाचे शिखर!

​याच सातत्यपूर्ण कामगिरीचे फळ म्हणून, विराजची आज मुंबई उपनगर (पूर्व) कबड्डी संघात निवड झाली आहे. ५२ व्या कुमार गट राज्य अजिंक्यपद स्पर्धेत आत्मविश्वासाने उतरण्यास तो आता सज्ज झाला आहे.

उत्कर्ष क्रीडा मंडळ, भांडुप आणि पांग्रड गावातील सर्व क्रीडाप्रेमींनी विराजचे हार्दिक अभिनंदन केले आहे. राज्य पातळीवरील या महत्त्वाच्या स्पर्धेत तो जिल्ह्याचे नाव आणखी मोठे करेल, असा विश्वास सर्वांनी व्यक्त केला आहे.

Team RatnagiriLive

कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म

Related Articles

Leave a Reply

Your email address will not be published. Required fields are marked *

Back to top button