कोकण रेल्वे मार्गावर उद्या सकाळी ३ तासांचा ‘मेगाब्लॉक’
![](https://ratnagirilive.in/wp-content/uploads/2023/05/img-20230523-wa0056957008711355232592-720x470.jpg)
दोन एक्सप्रेस गाड्यांच्या वेळापत्रकावर होणार परिणाम
रत्नागिरी : कोकण रेल्वे मार्गावरील संगमेश्वर ते रत्नागिरी सेक्शन दरम्यान दि. २९ ऑगस्ट २०२३ रोजी देखभाल दुरुस्तीच्या कामासाठी सकाळी ७.३० ते १०.३० असा तीन तासांचा मेगा ब्लॉक घेतला जाणार आहे.
कोकण रेल्वे मार्गावर घेण्यात आलेल्या या मेगाब्लॉकमुळे या कालावधीत या भागातून पास होणाऱ्या दोन एक्सप्रेस गाड्यांच्या वेळापत्रकावर परिणाम होणार आहे. यामध्ये तिरुनेलवेली ते जामनगर एक्सप्रेस (19577) जिचा प्रवास 28 ऑगस्ट रोजी सुरू होतो ती गाडी कर्नाटकातील ठोकूर ते रत्नागिरी दरम्यान अडीच तास थांबवून ठेवले जाणार आहे. त्याचबरोबर तिरुअनंतपुरम सेंट्रल ते लोकमान्य टिळक टर्मिनस दरम्यान धावणारी (16346) ही अप नेत्रावती एक्सप्रेस जिचा प्रवास 28 ऑगस्ट रोजी सुरू होतो ती ठोकूर ते रत्नागिरी सेक्शन दरम्यान सुमारे एक तास रोखून ठेवली जाणार आहे.
- हेही वाचा : Konkan Railway| यंदाच्या गणेशोत्सवात रत्नागिरीपर्यंत प्रथमच धावणार मेमू स्पेशल ट्रेन!
- Konkan Railway | गणेशोत्सवातील वंदे भारत एक्सप्रेसची प्रतीक्षा यादी २०० पार!