राजापूर : जागतिक महिला दिन व क्रांतीज्योती सावित्रीबाई फुले स्मृतिदिनानिमित्त सामाजिक व क्रीडा क्षेत्रात उल्लेखनीय कार्य करणाऱ्या नूतन विद्यामंदिर व कनिष्ठ महाविद्यालय, ओणी यांच्या तर्फे माजी विद्यार्थिनी शीतल विरेंद्र आचरेकर यांचा सन्मान करण्यात आला.
महिलांच्या सक्षमीकरणासाठी तसेच सामाजिक व क्रीडा क्षेत्रात उल्लेखनीय कार्य करणाऱ्या महिलांच्या योगदानाची दखल घेण्यासाठी हा सन्मान आयोजित करण्यात आला होता.
यावेळी उपस्थित मान्यवरांनी शितल आचरेकर यांच्या कार्याचे कौतुक करून त्यांना पुढील वाटचालीसाठी शुभेच्छा दिल्या.
