- सावर्डा, आरवली रोड, संगमेश्वर रोड, रत्नागिरी, आडवली, विलवडे स्थानकावरही थांबे
रत्नागिरी : कोकणात जाणाऱ्या चाकरमान्यांसाठी आणि भाविकांसाठी एक आनंदाची बातमी आहे. महाशिवरात्री (Maha Shivratri 2026) आणि छत्रपती शिवाजी महाराज जयंती निमित्त होणारी प्रवाशांची अतिरिक्त गर्दी लक्षात घेता, मध्य रेल्वेने मुंबई (CSMT) ते सावंतवाडी रोड दरम्यान विशेष गाड्यांच्या ६ फेऱ्या चालवण्याचा निर्णय घेतला आहे.
या गाड्यांचे तिकीट बुकिंग आता सुरू झाले असून, प्रवाशांना ‘रेल वन’ (RailOne) ॲप किंवा IRCTC च्या माध्यमातून आरक्षण करता येईल.
गाडीचे संपूर्ण वेळापत्रक आणि दिवस
१. गाडी क्रमांक ०११२९ (मुंबई CSMT ते सावंतवाडी रोड)
- फेऱ्यांच्या तारखा: १४, १९ आणि २१ फेब्रुवारी २०२६ (एकूण ३ फेऱ्या)
- सुटण्याची वेळ: मध्यरात्री ००.२० वाजता (CSMT हून)
- पोहोचण्याची वेळ: त्याच दिवशी दुपारी १२.३० वाजता (सावंतवाडी रोड)
२. गाडी क्रमांक ०११३० (सावंतवाडी रोड ते मुंबई CSMT)
- फेऱ्यांच्या तारखा: १४, १९ आणि २१ फेब्रुवारी २०२६ (एकूण ३ फेऱ्या)
- सुटण्याची वेळ: सायंकाळी १७.२० वाजता (सावंतवाडी रोडून)
- पोहोचण्याची वेळ: दुसऱ्या दिवशी पहाटे ०४.०५ वाजता (CSMT)
गाडीचे थांबे (Stoppages)
ही विशेष ट्रेन कोकण रेल्वे मार्गावरील महत्त्वाच्या स्थानकांवर थांबणार आहे:
दादर, ठाणे, पनवेल, पेण, रोहा, माणगाव, वीर, खेड, चिपळूण, सावर्डा, आरवली रोड, संगमेश्वर रोड, रत्नागिरी, आडवली, विलवडे, राजापूर रोड, वैभववाडी रोड, नांदगाव रोड, कणकवली, सिंधुददुर्ग आणि कुडाळ.
कोचची रचना (Composition)
प्रवाशांच्या सुविधेसाठी या ट्रेनमध्ये विविध प्रकारचे एकूण २२ कोच असतील:
- AC 2-Tier: १ कोच
- AC 3-Tier: ५ कोच
- स्लीपर क्लास (Sleeper): १० कोच
- जनरल (General): ४ कोच
- SLR (Guard’s Brake Van): २ कोच
महत्त्वाची माहिती: तिकीट बुकिंग
- आरक्षित तिकिटे: IRCTC च्या वेबसाईटवरून किंवा ‘RailOne’ ॲपवरून बुक करता येतील.
- अनारक्षित (General) तिकिटे: सामान्य शुल्कासह ‘UTS’ प्रणालीद्वारे स्थानकावर उपलब्ध असतील.
