मुंबई : बँकांच्या नियोजित संपाच्या पार्श्वभूमीवर भारतीय स्टेट बँकेच्या (SBI) कोट्यवधी ग्राहकांसाठी एक अत्यंत महत्त्वाची बातमी समोर आली आहे. ग्राहकांची गैरसोय टाळण्यासाठी आणि बँकिंग सेवा अधिक सुलभ करण्यासाठी SBI च्या सर्व शाखा रविवारी, २७ सप्टेंबर २०२६ रोजी सुरू राहणार आहेत.
देशभरातील बँक संघटनांनी पुकारलेल्या संपामुळे ग्राहकांची अडचण लक्षात घेऊन एसबीआयने रविवारी शाखा सुरू ठेवण्याचा निर्णय घेतला आहे. या दिवशी ग्राहक आपल्या जवळच्या कोणत्याही एसबीआय शाखेत जाऊन खात्याशी संबंधित कामे, रोख व्यवहार किंवा इतर आवश्यक बँकिंग सेवांचा लाभ घेऊ शकतात.
बँकेने आपल्या ग्राहकांना संदेशाद्वारे ही माहिती दिली असून, प्रलंबित कामे पूर्ण करण्यासाठी या सुविधेचा फायदा घेण्याचे आवाहन केले आहे.
